白色強人 外傳 #14
「杯咖啡咁甜嘅」——— Kennis。
-
下午大概1:00pm ——— 明城北食堂
「Kennis！」
Kennis拿起自己的盤子，往聲音來源看去，只見Yan在對自己揮著手，旁邊坐著在埋頭幹飯的蘇怡
「得你兩個嘅？」
說著Kennis放下盤子，坐了在蘇怡對面
「啱啱有單TA，芷若俾琛哥call咗去幫手～」
頭也不抬，難怪說蘇怡眼裡只有食物
「哦～」
才喝了一口黑咖啡，Kennis不由自主地笑了起來
「你笑咩啊？」
看到她突然在傻笑，Yan覺得很奇怪，她是不是被社會摧殘到瘋掉了
「冇啊有咩？」
被發現了，趕緊裝做什麼也不知道
「喺度傻笑，你肯定有啲嘢嘅～講！」
「冇啊～」
再喝一口咖啡吧
「哦～你有嘢瞞我哋～」
看，八卦才能吸引蘇怡的注意的嘛
「有咩～」
「小姐，你再唔講你唔使旨意食飯㗎啦」
說著Yan慢慢的拉走了Kennis的盤子
「好好我講～俾返碟餸我先啦～」
說罷蘇怡跟Yan馬上坐直身子，洗耳恭聽
「阿晴佢今朝…邀請我同佢一齊去醫發局嗰個晚會…」
提起這件事，一個微笑悄悄爬上了Kennis嘴邊
「哇～咁happy～睇下你，笑到傻婆咁～」
說著蘇怡笑著伸手碰了碰Kennis的鼻子
「冇啊～」
「阿晴見到你咁嘅樣一定會恥笑你～」
說完又埋頭幹飯去了
「你就開心啦～之前我都有聽講過話醫發局會搞交流會，但係YT話明城北有葉晴做代表佢就唔使去喎～我紫色嗰條裙著咗一次咁大把咋…」
說著Yan用力地叉起一塊生菜，像是要發洩
「喂咁你可以借條裙俾Kennis喎～」
「得喎～包你會係全場最矚目嗰個～」
「引人注目呢，就免喇，都係低調啲好～著到咁暴露為乜呢～加上如果我著你條裙嘅話，未入到人哋個門口已經仆死咗」
程大醫生才不要穿那些deep v的衣服呢，做人要看內涵的嘛
「啋～咁你問阿晴借條裙囉，之前見佢衣櫃都有幾條～」
蘇怡當然知道人家的衣櫃裡有些什麼東東了，上次作客作到差點把葉晴的家給翻轉
「哇咁唔客氣嘅你～我諗諗先啦話晒仲有兩個禮拜～」
-
「葉晴！」
這時Yan又朝著取餐處猛的招手
葉晴拿著她的外賣走了過去
「你哋慢慢食啦，我仲有嘢做，落嚟攞外賣㗎咋～」
此時她留意到蘇怡不停地跟Kennis打眼色，看來是知道了晚會那件事
她從口袋掏出左手，輕輕摸了摸Kennis的頭頂
「今晚我車埋你返去～」
Kennis還未來得及反應，葉晴便拿著她的外賣步走了
「摸頭殺啊啊啊啊」
對面的Yan跟蘇怡頓時瘋了般，擁在一起尖叫，惹來了不少奇異的目光
「夠喇夠喇你哋」
話雖如此，但無可否認的是，Kennis的臉蛋又再次紅透了
表面裝作不在乎，其實心底裡在暗自竊喜呢～
玩夠了，Kennis拿起面前的黑咖啡，咽了一口
喝下肚子後，卻突然開始咳嗽起來
「冇嘢嘛你？」
剛還在那邊打鬧的蘇怡聽到咳嗽聲，立馬回過神來
「冇～杯齋啡咁甜嘅～」
說這句的時候還一臉無邪的樣子
「痴線！我以後唔同你食飯喇！」
-
评论