白色強人 外傳 #2
【 到底 還喜歡他嗎?】
-
「喂,所以你會繼續比我喺你嗰度住㗎可?」
「得~今晚放工我比條鎖匙你,你得閒自己搬嘢上去啦~」
蘇怡笑說,家中那間空房間終究還是屬於kennis的
「吓你今晚唔一齊返去咩?」
「我應承咗唐明今晚煮餐飯比佢食,下次啦好冇?」
「得啦唔阻你哋喇,我返去做嘢先~」
kennis還是挺識趣的,說罷她便轉身離開
可是蘇怡哪知道,背對著她的kennis到底心裡在想什麼
三年了
那份喜歡 還在嗎?
連kennis自己也不知道
-
「乜kennis繼續喺你度住咩?」
收工後到A&E找老婆的唐明恰好碰到拿著蘇怡那串鑰匙離開common room的kennis
「咁間吉房都係留比佢㗎啦~」
蘇怡把儲物櫃的門關好,披上外套
「係咪想我煮飯你食㗎,行啦~」
說著蘇怡拿起手袋,走往休息室的門
看著蘇怡要離開,唐明趕忙跑過去拽著她的衣袖
「今晚你留唔留喺我度?」
唐明在蘇怡耳邊小聲說
「諗下~仲有,呢度醫院嚟㗎唔該你檢點啦~」
說著她把唐明拉著自己的手拍下
-
正在與汪姑娘敘舊的kennis也清楚地看到這一幕
「喂?」
說到一半,汪姑娘接聽了在響的電話
「喔,好啊」
「咩事?」
「腫瘤科問今日晏晝3號床嘅報告幾時有姐」
「哦我幫你拎上去吖,橫掂我放工喇」
「咁麻煩晒你~」
- 腫瘤科 -
「Dr. Ip, 呢份係今日晏晝A&E 3號床嘅report」
「咦你係…」
還在開OT的葉晴看到眼前的生面孔,有點驚訝
「我係CTS嘅kennis」
「哦~原來你就係kennis~你嘅事我都聽過唔少㗎~」
kennis輕輕地笑了笑
「有冇時間一齊飲杯咖啡?」
葉晴脫下醫生袍,順手接過kennis手中的報告
「好啊」
-
步過走廊的兩人,剛好看見正要離開醫院的唐明蘇怡
看著他倆的背影,葉晴和kennis同時停下腳步
樓上的兩個人在想什麼 有誰知道?
-
[小劇場]以下這些有沒有真的發生我不知道的喔
晴:原來你也喜歡過他嗎?
k:三年了 喜不喜歡 我自己也不清楚
晴:喜歡也好 不喜歡也好 結果也是一樣啊
k:我也不知道回來這裡的決定到底對不對
晴:都回來了 別想那麼多啦~
⋯
-
但就因為這一杯咖啡 令程洛雯和葉晴的人生 都展開了新一篇章~
-
即係我要用幾耐時間先post得晒🤠
评论